Kadyrkhodjayeva Nigora Saidg‘aniyevna

Qadixodjayeva Nigora — MD, PhD

Shifokor-nevrolog, psixiatr, neyropsixolog. Bosh og‘rig‘i, surunkali og‘riq sindromlari, kognitiv buzilishlar va botulinoterapiya bo‘yicha mutaxassis.

Klinik ish tajribasi — 20 yildan ortiq.

Asosiy mutaxassislik yo‘nalishlari

Bosh og‘riqlari: surunkali migren, zo‘riqish bilan bog‘liq bosh og‘rig‘i, klaster bosh og‘rig‘i, servikogen bosh og‘rig‘i va ensa nervi nevralgiyasini tashxislash hamda davolash.

Surunkali og‘riq sindromlari (Pain Management): surunkali og‘riq, miofassial og‘riq sindromi va neyropatik og‘riqlarni kompleks davolash.

Kognitiv buzilishlar va demensiya: kattalarda xotira, diqqat va boshqa kognitiv funksiyalarning pasayishini erta aniqlash, Alsgeymer kasalligi, qon tomir bilan bog‘liq va demensiyaning boshqa shakllarini tashxislash hamda bemorlarni kuzatib borish.

Harakat buzilishlari: distoniya, mushak spazmlari va boshqa nevrologik harakat buzilishlarini tashxislash hamda davolash.

Neyropsixologiya: neyropsixologik diagnostika, nevrologik kasalliklarda kognitiv funksiyalar va emotsional buzilishlarni baholash.

Amaliy ko‘nikmalar va davolash usullari

Botulinoterapiya (Botulinum Toxin Type A) — surunkali migren, distoniya va boshqa nevrologik kasalliklarni davolashda A turdagi botulinum toksinidan foydalanish.

Trigger Point Injections — miofassial trigger nuqtalariga inyeksiya qilish orqali davolash.

Occipital Nerve Block — ensa nervi nevralgiyasi va bosh og‘rig‘ining ayrim shakllarida katta va kichik ensa nervlarini blokada qilish.

Sphenopalatine Ganglion Block (SPG Block) — bosh va yuz sohasidagi og‘riqlarning ayrim turlarida qanot-tanglay nerv tugunini blokada qilish.

Transkranial magnit stimulyatsiya (TMS) — invaziv bo‘lmagan neyromodulyatsiya usuli.

Neyropsixologik testlash — xotira, diqqat, ijro etuvchi funksiyalar va boshqa kognitiv qobiliyatlarni kompleks baholash.

Xalqaro ta’lim va malaka oshirish

AQSH — Cleveland Clinic

Pain Management yo‘nalishi bo‘yicha xalqaro klinik malaka oshirish dasturi. Surunkali og‘riq sindromlarini tashxislash va davolashning zamonaviy usullari, og‘riqni kamaytirishga qaratilgan intervensiyaviy yondashuvlar hamda surunkali og‘riqli bemorlarni kompleks boshqarish bo‘yicha bilim va ko‘nikmalarni o‘zlashtirish.

Buyuk Britaniya — Neyropsixologiya

Klinik neyropsixologiya, neyropsixologik diagnostika va kognitiv funksiyalarni baholash sohasida professional tayyorgarlik.

Rossiya, Moskva — Nevrologiyada botulinoterapiya

Nevrologik kasalliklarni davolashda A turdagi botulinum toksinidan foydalanish bo‘yicha sertifikatlangan malaka oshirish kursi.

BAA, Dubay — Nevrologiya bo‘yicha xalqaro klinik malaka oshirish dasturi

Neyroimmunologik, yallig‘lanish, demiyelinizatsion va nerv-mushak kasalliklarini tashxislash hamda davolashga yo‘naltirilgan xalqaro klinik malaka oshirish dasturi.

Dastur quyidagi kasalliklarni qamrab oladi:

• Tarqoq skleroz;

• Optik neyromiyelit spektri kasalliklari (NMOSD);

• Autoimmun ensefalit va ensefalomiyelitlar;

• Ko‘ndalang miyelit;

• Giyen–Barre sindromi;

• Miasteniya (turli klinik shakllari);

• Surunkali yallig‘lanishli demiyelinizatsion polineyropatiya (CIDP);

• Markaziy va periferik nerv tizimining boshqa kasalliklari.

Shuningdek, botulinoterapiya bo‘yicha malaka oshirish.

Ilmiy va akademik faoliyat

MD, PhD. Nevrologiya va neyropsixologiya sohalarida klinik, ilmiy hamda pedagogik faoliyat olib boradi.

Ilmiy tadqiqotlarning asosiy yo‘nalishlari:

• Surunkali birlamchi bosh og‘riqlari va ularning kognitiv buzilishlar bilan bog‘liqligi.

• Kognitiv funksiyalar pasayishini erta aniqlash va demensiya xavf omillarini o‘rganish.

• Alsgeymer kasalligi va neyrodegenerativ kasalliklar.

• Surunkali bosh og‘riqlarining oldini olish va davolashning zamonaviy usullari.

2017-yildagi ratsionalizatorlik taklifi:

«A turdagi botulinum toksinidan foydalangan holda surunkali birlamchi bosh og‘riqlarini davolashning modifikatsiyalangan usullari».

Xalqaro professional uyushmalarga a’zolik

• European Academy of Neurology (EAN) — Yevropa nevrologiya akademiyasi.

• International Parkinson and Movement Disorder Society (MDS) — Parkinson kasalligi va harakat buzilishlari bo‘yicha xalqaro jamiyat.

Qo‘shimcha malaka

BLS, ACLS (American Heart Association) va ITLS xalqaro dasturlari bo‘yicha sertifikatlarga ega.