AKFA Medline’da order orqali davolanish

AKFA Medline University Hospital’da order orqali davolanish mumkin!

Endilikda bemorlar AKFA Medline University Hospital’da order asosida davlat mablag‘lari hisobidan ixtisoslashtirilgan tibbiy yordam olishlari mumkin.

Order nima?

Order — bu bemorga tegishli tibbiy ko‘rsatmalar mavjud bo‘lganda, davlat tomonidan moliyalashtiriladigan muayyan tibbiy xizmatlardan foydalanish imkonini beruvchi yo‘llanma. Order asosida bemorlar ajratilgan mablag‘ va belgilangan tibbiy yordam hajmi doirasida zarur tekshiruvlardan o‘tishlari hamda davolanishlari, jumladan, jarrohlik amaliyotlarini o‘tkazishlari mumkin.

Qaysi yo‘nalishlar bo‘yicha davolanish mumkin?

Bolalar va kattalar uchun:

• Kardiojarrohlik

• Qon tomir jarrohligi

• Urologiya

• Otorinolaringologiya (LOR)

• Oftalmologiya

Faqat kattalar uchun:

• Ginekologiya

• Ortopediya

• Neyrojarrohlik (umurtqa pog‘onasi operatsiyalari)

• Umumiy jarrohlik

AKFA Medline’da order orqali qanday davolanish mumkin?

Tibbiy yordam olish uchun bemor zarur tekshiruvlardan o‘tishi, shifokordan tegishli yo‘llanma olishi va AKFA Medline University Hospital nomiga order rasmiylashtirishi kerak. Order olingandan so‘ng klinika mutaxassislari zarur hujjatlarni, tibbiy ko‘rsatmalarni va ajratilgan davlat mablag‘lari hajmini tekshiradilar. Barcha zarur shartlar tasdiqlangach, bemor klinikamizda belgilangan tibbiy yordam hajmi doirasida davolanishi mumkin.

Muhim ma’lumot!

Order barcha tibbiy xizmatlar to‘liq bepul bo‘lishini anglatmaydi. Davlat faqat orderda ko‘zda tutilgan tekshiruvlar va davolanish xarajatlarini moliyalashtiradi. Orderga kiritilmagan qo‘shimcha tibbiy xizmatlar uchun alohida to‘lov talab qilinishi mumkin. Muayyan davolash usulini order asosida o‘tkazish imkoniyati bemorning tibbiy ko‘rsatmalari va ajratilgan mablag‘ hisobga olingan holda individual tarzda belgilanadi.

Order orqali davolanish haqida batafsil ma’lumot olishni xohlaysizmi?

Agar sizda order mavjud bo‘lsa yoki tibbiy yordam olish shartlari haqida ma’lumotga ega bo‘lmoqchi bo‘lsangiz, AKFA Medline University Hospital’ning orderlar bilan ishlash bo‘yicha bosh menejeriga murojaat qiling. Biz sizga murojaat qilish tartibi, zarur hujjatlar va davolanishning keyingi bosqichlari haqida ma’lumot beramiz.

📞 +998 88 495 30 03